فريد يطرح أحدث أغانيه «متسيبش إيديا» عبر اليوتيوب
إلهام علاء ـ مصر
طرح المطرب أحمد فريد أغنية جديدة بعنوان «متسيبش إيديا» عبر موقع الفيديوهات الشهير «يوتيوب» وجميع المنصات الموسيقية.
«متسيبش إيديا» هي أغنية ذات طابع رومانسي، من كلمات الشاعر أحمد علي غافر، وألحان أدهم الجزار، توزيع موسيقي مؤمن ياسر، ميكس وماستر م. مصطفى رؤوف، فيديو جون مكرم، إشراف عام أحمد عاطف، إنتاج JP Productions – جيمي.
تقول كلمات أغنية «متسيبش إيديا»:
هو أنا لو جنبك ايه هينقصني وهحتاجه
يا حبيبي وصاحبي ونصي التاني ومشواري
ده أنا لو زعلان فأنا زعلي أكيد أنت علاجه
يا عيوني ونورها وسندي وروحي وأسراري
ايه رأيك نبني بيت
ده أنا فيك لقيت
نفسي عشان
خليتني أشوف حاجات
وأنسى اللي فات
وأعيش أمان
خليني قصاد عينيك
ده انا بين ايديك
بنسى الكلام
جنبك بعيش
عمري في سلام
متسيبش ايديا وخليك جنبي وطمني
خليك دايما أكتر حد قريب مني
لو مرة زعلنا تعالي احكيلي وفهمني
وأوعدني تعديلي الغلطة لو جت مني
لو عيشت معاك عمرين فأكيد هحتاج تاني
ده انا عمري ما امل معاك ولا هتغير منك
وإن شوفت في يوم نفسك بعيوني هتلقاني
لو مهما هشوف في الدنيا اكيد هختار قلبك
https://youtu.be/ueQLIaAb1os?si=g0z96aj4-ltg3EZz
ويذكر أن أخر أعمال فريد كانت دويتو غنائي جمعه بالمطرب عمرو جابر بعنوان «السلام لنبينا» تزامنآ مع شهر رمضان الكريم، الأغنية تم تصويرها بطريقة الفيديو كليب، وهي من كلمات طارق علي، وألحان كريم نيازي، توزيع مؤمن ياسر، ميكس وماستر م. مصطفى رؤوف، إنتاج JP Productions – جيمي، وإخراج مارك سمير.
