إزاي اقول للحروف
استحملي
نهى عراقي
إزاي اقول للحروف
استحملي
فراق وغياب
ووحدة من غير عتاب
ده من حزني شاب الشباب
هعيش إزاي من بعده
أنا وانتي سابنا
ننعيه ونعيش
بذكرى
يا دوب ذكرى
وانا وانتي ودموعنا
تنزف جوه قلوبنا
سره في قلوبنا
بينا وبين ربنا
مش عاوزه
أصدق إنه ساب
الدنيا خلاص
ولا باقي غير
صورته
وشعِره ليا
وحرفه
وطيفه وهمسه
بحنيه
أكلمه يمكن
يرد عليا
وكل يوم
أقرى كلامه
واكرره
واقول لروحي
لأمر ربنا استسلمي
