فى سابقة من نوعها.. ولأول مره علي مستوي الجمهوريه مركز إيواء الكلاب بدمياط يبدأ عمله بشوارع مدينة دمياط…
شكرا محافظ دمياط لسرعة استجابة سيادته …
و على الصعيد الاخر…ناس مش عاجبها اللى بيحصل..و طالعين بهاشتاج لرئاسة الوزراء و حقوق الحيوان و ووزارة الداخليه مرة واحده!!!
انتو بجد بتفكرو ازاى!! الخطوة دى بنطالب بيها من سنين و محدش اتحرك..و لما تحصل مش عاجبكو!! يعنى مش شايفين الكلاب اللى أصبحت اكتر من البنى ادمين فى دمياط و حرفيا فى تجمعات الواحدة لا تقل عن7 او8 كلاب!!
الناس المعارضه كان ده هيكون موقفكو لو حد من ولادكو عضو كلب شارع ولا اتهجم على بناتهم و هما راجعين من الدرس!!
بجد ناس غريبه! فرحانين بكلاب الشوارع الضاله و دلوقتي بتقولو حرام!طب ع الاقل المكان لو مش مجهز بالشكل الكافى لكنها خطوة جيدة و لو مبدئية لحمايتكو واكيد هيتم تطوير المكان…مش اللى يقول من غير سقف و الشمس و غيره ..معلش هيه كلاب الشوارع بتنام فين اصلااخر الليل بتروح تنام ف بيوتكم ولا ايه!!
انا بحب الحيوانات و عندى قطط فى بيتى مربياها..و ضد العنف مع الحيوانات و خصوصا الكلاب لأنها أوفى من الانسان نفسه..وضد تسميم الكلاب الضالة او قتلهم ..لكن حياة بناتى و وولادكم اهم من حقوق الحيوان اللى طالعين بيها بقالهم فترة…الناس دى لو جربت عضة كلب منهم اكيد مش هيكون ده رأيها…
انتو بجد شعب غريب….
شكرا_محافظ_دمياط
بقلم/شيماء منصور
