الموضوع الثانى…الإرهاق العاطفي: لما تبقى جبت اخرك ومش عارف تفصل
د. عماد البيومي معالج نفسي
بتصحي من النوم وأنت حاسس إنك متخانق، مش جسدك اللي تعبان، لكن روحك وقلبك هم اللي واقفين في الزاوية ومش قادرين يكملوا. بتبطل تهتم بحاجات كانت بتفرحك، وبتطنش أي حد يدوش دماغك، وتبقى سؤالك الوحيد لنفسك: “أنا عامل إيه وهفقد أعصابي ولا لأ؟”.
كخبير نفسي بقولك بصراحة، ده مش ضعف ولا ده مش “توتر عادي”، ده اسمه “الإرهاق العاطفي” أو Emotional Exhaustion. هو حالة بتحصل لما تستنزف كل طاقتك النفسية والمشاعرية لحد ما تفضل بلا صوت، وكأنك سيارة بطاريتها وقفت في نص الطريق الصحراوي.
أعراض الإرهاق العاطفي.. إزاي تعرف إنك وصلت للمرحلة دي؟
الإرهاق العاطفي مش بيجي بيوم وليله ده بيتسرب ليك زي السم البطيء، وأول حاجة بتلاحظها هي إنك بقيت “فاشل” في إدارة مشاعرك. هتبدأ تلاحظ إنك بقت زعلان من غير سبب، أو بالعكس، بقيت “متبلد” ومش حاسس بأي حاجة. من أهم الأعراض اللي بتظهر عليك:
بتعافر مع الناس: أي حديقعد يفضفضلك، بتتصوره حط على دماغك جبل، وبتفكر في ألف طريقة تهرب بيه من الموقف ده.
العصبية الزايدة: الصبرمفيش وأي كلمة تتقالك حتى لو مهذبة بتخليك زي القنبلة الموقوتة.
الشعور بالذنب الدائم: دايماً حاسس إنك مش مبسوط رغم إن كل حاجة حواليك كويسة، وده بيخليك تلوم وتقول “أنا كده ليه ….. صداع مزمن، آلام في الظهر أو الرقبة، أو قلة نوم وإن بطنك بتوجعك من غير سبب عضوي، كل ده لأن جسمك بيترجم الوجع النفسي لوجع جسدي.وتلف على الاطباء كشف وتحاليل ومصاريف وانت سبب تعبك نفسى مش عضوى
الأسباب الحقيقية.. مين اللي سرق طاقتك؟
في علم النفس بنقول إن الطاقة العاطفية زي الفلوس، لو صرفتها في حاجات لا تستاهل أو حطيتها في مكان غلط، هتفضل بلا سيولة. أكتر حاجة بتسبب الإرهاق العاطفي هي “الموقف المايع” اللي بناخده من غير ما ناخدبالنا.
لو انت من الناس اللي بتاخد مسؤولية مشاكل غيرك على عاتقك، أو بتشتغل في بيئة كلها طلبات وتقييمات قاسية، أو بتخاف تقول “لا” عشان محدش يزعل، فإنت بتخلي صنبور طاقتك مفتوح على آخره من غير ما تحط عليه سيفون. كمان العلاقات السامة، سواء مع صاحب أو زميل أو حتى عيلة، بتكون زي البطاريات اللي بتشحن منك وبتفضل فاضية، وده بيودي لحالة من الاستنزاف التام.
علاقة الإرهاق العاطفي بالأبراج..
لو حبينا نربط الموضوع بطبيعة الأبراج من منظور نفسي، هنلاقي إن كل برج عنده نقطة ضعف بتنفذ منها طاقته العاطفية بسرعة أكبر من غيره.
البروج المائية زي السرطان والعقرب والحوت، دول طاقتهم العاطفية أصلاً ضخمة لأنهم بيآخدوا كل حاجة بقلبهم. السرطان مثلاً بيحمل هموم البيت والعيلة كأنهم على كتفه، والعقرب بتدخل في تفاصيل عميقة ومشاعر معقدة بتستنزفه، والنتيجة إنهم بيحسوا بالإرهاق أسرع من غيرهم لإنهم “بيستنزفوا نفسهم بنفسهم”.
برج الميزان بييجي من باب تاني، طاقته بتنزف بسبب محاولته المستمرة إنه يرضي كل الناس ويحافظ على التوازن حواليه ويتجنب أي صراع، وده بيسحب منه طاقة هائلة.
برج الثور اللي بيميل للثبات والهدوء وبيكره التغيير، لما يتحط في وسط بيئة مليانة ضغط وتوتر وطلب سريع، طاقته بتنفد بسرعة لأنها بتضطر تشتغل عكس طبيعتها البطيئة والمنهجية.
إزاي تشحن نفسك تاني وتنقذ ما يمكن إنقاذه؟
عشان تطلع من دوامة الإرهاق العاطفي، محدش هيجيلك بطارية صغيرة يشحنك بيها، ده شغلك أنت وهتعمله بثلاث خطوات عملية.
أول حاجة هي “حط حدود”. ابدأ تتعلم تقول “أنا مش قادر اسمع لاى حد دلوقتى” أو “موضوعك مش شغلي”. مفيش مشكلة إنك تكون أناني في حق صحتك النفسية.
ثاني حاجة هي “فصل التيار”. خليك بعيد عن أي مصدر لجذب طاقتك السلبية، سواء كانت شخص معين أو حتى تطبيقات السوشيال ميديا اللي بتخليك تقارن نفسك بغيرك. اقفل الموبايل ساعة في اليوم واقعد مع نفسك من غير ما حد يطلب منك حاجة.
ثالث حاجة وأهم حاجة “السماح للنفس بالضعف”. لو حاسس إنك عايز تبكي، ابكي ، لو عايز تكسر روتينك وتقعد تنام النهار كله، اعمل ده من غير ما تحاسب نفسك على كسل. الإرهاق العاطفي بيبقى صرخة جسمك إنه عايز استراحة
في الآخر، الطاقة العاطفية دي أغلى حاجة عندك، ومفيش شغل ولا صاحب يستاهل إنك تخلي نفسك فاضي عشانهم. خليك حاضر لنفسك الأول، عشان تقدر تبقى موجود لغيرك بعدين.
